ہفتہ, نومبر 03, 2007

جانوروں کا بازار (Animal Marketplace)

جانوروں کا بازار

دیکھا بیوپاری بننے کا جانوروں نے سپنا

لے کر اک بازار میں پہنچے خوانچہ اپنا اپنا

ہُد ہُد لال ٹماٹر لایا ،ہرنی گاجر مولی

بندر لے کر آیا چقندر ، لکّڑ بگّا ککڑی

اونٹ نے پیٹھ پہ گنّے لادے، ہاتھی لایا آلو

پالک لے کرآئی بلّی ،بیگن لے کر بھالو

لیموں لاد کے ٹٹّو لایا ، اروی عربی گھوڑا

سر پر میتھی لائی بکری ، بکرا دھنیا تھوڑا

گیدڑ نے حلوائی بن کر جوں ہی تھال سجائے

چیونٹا چیونٹی گاہک بن کر دوڑے دوڑے آئے

لومڑیاں بھی لائیں اپنے انگوروں کے خوانچے

تاجر بن بیٹھے تھے چوہے بیچ رہے تھے کپڑے

کوئی تبصرے نہیں:

ایک تبصرہ شائع کریں