Wednesday, November 21, 2007

جاگوپیارے(Wake up my dear)

جاگو پیارے

چڑیا اپنی چونچ میں تھامے

دال کا دانہ لائی

ننّھی تتلی پر سے اپنے

رنگ لپیٹے آئی

سورج اپنے کاندھے پر

کرنوں کا بھنڈار اٹھا کر لایا

پھولوں کے دامن کو چھو کر

ہوا معطّر ہو آئی

پیڑ بھی اپنی شاخ شاخ پر

لایا ہے پھل رنگ برنگے

ذرّہ ذرّہ سر پر رکھ کر

چیونٹا چیونٹی فوج بنا کر نکلے ،

ہاکر ڈال گیا اخبار

اس میں بھی یہ خبرچھپی ہے؛

بھری پری اس دنیا میں

دن چڑھ آیا

صبح ہوئی تو ساری دنیا

اپنے کام پہ نکلی !

بس اک تم ہو

بستر ہی میں سوئے پڑے ہو !

No comments:

Post a Comment