Monday, October 22, 2007

Naat

نعت

رحمتوں کے نبی ہیں ہمارے نبی

آپ کی زندگی روشنی روشنی

خوابِ غفلت سے اک دن جگایا ہمیں

زندگی کا قرینہ سکھایا ہمیں

آپ ہی نے خدا سے ملایا ہمیں

ہم کو کافی ہے بس آپ کی رہبری

رحمتوں کے نبی ہیں ہمارے نبی

دے گئے ہم کو انسانیت کا چلن

دشمنی دوستی میں بدلنے کا فن

اپنے مالک سے ملنے کی سچّی لگن

کیسی نایاب چیزیں عطا آپ کی

رحمتوں کے نبی ہیں ہمارے نبی

ظلم و ظلمت میں سب کا سہارا بنے

علم و حکمت کے د ر وا کئے آپ نے

عدل و انصاف زندہ ہوا آپ سے

آپ دنیا میں حق کاپیام آخری

رحمتوں کے نبی ہیں ہمارے نبی

آپ کی زندگی روشنی روشی

No comments:

Post a Comment