شاد عارفی کی شاعری میں طنز ۔۔۔۔۔ ۔محمد اسد اللہ

Kathwa Ki Beti Asefa Ke liye Ek Nazm ( Poem)

A Poem for children (Urdu)ایسا ہو جیسا ہے گمان

ایسا ہو جیسا ہے گمان
(نظم )
محمّد اسد اللہ 
.....................................................
ایساہو جیسا ہے گمان

دنیا ہو یہ باغ سمان

پھول پرندوں کی مانند

چہکے مہکے ہر انسان 



رہے شہر میں امن و امان 

لوگ بھی سارے عالی شان 

ہر چہرے پر سجی رہے 

کھلی کھلی سی اک مسکان 



ایسے بھی ہو تیر کمان 

کام کرے جادو سمان

ر کے سب کنگالوں کو 

پل بھر میں کر دے دھنوان



ایسا بھی ہو ایک مکان

جس میں خوش ہو ہر انسان 

جب بھی سجا ہو دستر خوان

رنگ برنگے ہو پکوان

فرعون پشت پر لئے لشکر ہے کیا کریں غزل

غزل

محمّد اسد اللہ

 

فرعون پشت پر لئے لشکر ہے کیا کریں 

بے معجزہ عصا ہے ،سمندر ہے کیا کریں 

ہاں !دستِ احتیاط میں خنجر ہیں کیا کریں 

دشمن ہماری ذات کے اندر ہے کیا کریں 

شیشے سا دل لئے ہوئے نکلے تو ہیں مگر 

ہر رہگزر کے ہا تھ میں پتّھر ہے کیا کریں 

اس سمت سے کسی طرح ہٹتی نہیں نظر 

وہ سب سے اس جہان میں ہٹ کر ہے کیا کریں 

قد آ وری کے سر ہے کڑی دھوپ کا قہر 
یہ آتشِ چنار مقدّر ہے کیا کریں

Urdu Poem ..Kahan Aa Gaye Tum?

کہاں آ گئے تم؟ 
نظم 

محمّد اسد اللہ 

یہاں کو ئی زمیں ایسی نہیں ہے
جو تمہارے آ نسوؤں کو اپنے دامن میں جگہ دے 

ہر طرف سنگِ مر مر کا فرش ہے 
پھوٹ کر رونا نہیں ہے تمہیں ،
ٹوٹ کر بکھرو نہیں 
خود کو سنبھالوذرا !

یہاں چارہ گر کے ہا تھوں میں
مرہم نہیں سنگِ ملامت ہے 

لو ٹ آ تی ہے ہر صدا 
دیوار و در سے سر پھوڑ کر 

کسی دیوار میں کو ئی دریچہ نہیں ہے 
کوئی در یہاں پر کھلا نہیں ہے 

یہ کس جا دو کی ما ری
زرد بستی میں تم چلے آ ئے ؟

happy new year,poem

Hamd

Hamdo Sana Usi Ki Jis Ne Jahan Banaya
Mitti mien Jan Dali , Aarame Jan Banaya

Ghunche Khilaye Us Ne Pholon KoTazgi Di
Izhare Iltija Ko Hrfo Bayan Banaya.

Pairon Tale Hamare Mamta Bhari Zameen Di
Mushfiq Sa Apne Sar Par Ik Aasman Banaya

Raheen Usi Ki Sanat , Samtein Usi Ki Qudrat
Bakhshe Hain Ham Qadam Bhi Aur Karwan Banaya

Barbadiyon Mein Rakh Di Amno Aman Ki Soorat
Ishrat Kadon Ko Us Ne Ibrat Nashan Banaya

Lafzoon Ki Sari Duniya Us Ki Sana Se Qasir
Ik Lafze Kun Se Us Ne SaraJahan Banaya








NAYE SAL KE LIYE EIK NAZM


Naya Sal Aaya Ujalon Ko Le Kar
Nirale Hain Sapne bahut Hain Yeh Sundar

Gagan Bbhi Vahi Hai ,Yeh Dharti Yahi Hai
Magar Soch Is Bar Badli Hooi Hai

Yeh Duniya Vahi Hai Vahi Nivasi
Purani Si Lagne Lagi hai Zarasi

Naya Din Naye Pan Ka Ehsas Laya
Bahut Door Tha Jo Use pas Laya
Muhabbat Ke Dariya UmangoN Ke Jharny

Sunhare Dinon ke Hain Sapne Salon
Ujalon Bhare Din MaHakti Yeh Shamein
Naye Varsh Ke sath Aasha Ki Kirnen

Naiye Varsh Ki Eik Khamoosh Basti
Mahakti Hooi Sham ,Ujle Se Din Ki

……………….

poem for new year

نئے سال کی ایک خاموش بستی 
(سالِ نو کے لئے ایک نظم )


نیا سال آ یا اجالوں کو لے کر 
نرالے ہیں سپنے بہت ہیں یہ سندر 

گگن بھی وہی ہے یہ دھرتی وہی ہے 
مگر سوچ اس بار بدلی ہو ئی ہے 

یہ دنیا وہی ہے وہی ہیں نواسی 
پرانی سی لگنے لگی ہے ذراسی

نیا دن نئے پن کا احساس لایا 
بہت دور تھا جو اسے پاس لایا 

محبّت کے دریا امنگوں کے جھرنے 
سنہرے دنوں کے ہیں سپنے سلونے 


اجالوں بھرے دن مہکتی یہ شامیں 
نئے ورش کے ساتھ آ شا کی کر نیں 

نئے سال کی ایک خاموش بستی 
مہکتی ہوئی شام اجلے سے دن کی

نظم ۔۔۔۔۔میں اپنی مٹّی سے خالی

میں اپنی مٹّی سے خالی ہوتا جا رہا ہوں 
                      ۔۔نظم ۔۔۔

ہویدا ہیں مجھ میں وسعتیں پھر 
میں اپنی مٹّی سے خالی ہوتا جا رہا ہوں
ابھر رہی ہے صدا ئے تیشہ یہاں تو ہر سو 
اور گر گر کے ڈھیر ہو تے جا رہے ہیں 
میری انا کے کٹے صنوبر
جیسے سرحد سے آ رہی ہو ں
شکست کی بار بار خبریں 
میری رگوں میں دھنسی ہو ئی ہر 
جڑ اکھاڑ ی جا رہی ہے ۔ 

افق کے اس پار نم ہو ائیں
آ ندھیوں کے سفر کا سامان باندھتی ہیں 
پہاڑ کی جڑ میں اک فرشتہ 
زمین میں سوئے زلزلوں کو جگا رہا ہے 
پرانے صندوق میں چھپا ایک زرد چوہا 
میری قمیصوں کی آ ستینیں کتر رہا ہے 

ہویدا ہیں مجھ میں وسعتیں پھر
لمحہ لمحہ 
میں اپنی مٹّی سے خالی ہوتا جا رہا ہوں۔

Shraddhanjali (Nazm)

شردّھانجلی ( نظم)

اس بھیانک رات کے
یہ مبہوت لمحے ۔۔،
گر گر کے بے جان ہو چکی
تمنّاؤں کو پیش کر رہے ہیں
شردّھانجلی!

Babri Masjid Demolition

بابری مسجد کے سانحے کے بعد
( نظم)

جوالا مکھی سے
امڈتا ہوا اک ہجوم
تلواریں، نیزے ،مشعلیں تھامے ہو ئے
لاوے کی طرح بہہ رہا ہے ہر طرف
بپھرے ہو ئے نعروںکے درمیاں
جزیرے کی طرح حیراں
ہر چوک پر پتھرائے ہو ئے کھڑے ہیں
گاندھی، نہرو ،مولانا آ زاد
اہنسا مردہ باد

Zindagi (Nazm)

زندگی ( نظم)

مدّو جزر کے درمیاں
ابھر تے ڈوبتے
اک جزیرے میں یہ سوچتے سوچتے
عمریں گزر گئیں
کیا خوف سے آنکھ موندے ہو ئے
ہواؤں سے رحم و کرم پر دھڑکتے
کسی نرم پتّے کی مانند
سانس لینے ہی کا نام زندگی ہے ؟

Ab Naya Rasta Hamara (Nazm)

اب نیا رستہ ہمارا ( نظم)

آسماں کی وسعتوں میں
روشنی کے راستے پر حادثہ یہ ہو گیا ہے
بے تحاشا دوڑتے
اک رتھ کا پہیّہ ٹوٹ کر
ایسے گرا ہے
منزلوں کی کھوج کا
ہر سلسلہ ٹوتا ہوا ہے

اب کسی گلّہ سے بچھڑی
بھیڑ کی مانند ،پگ پگ
لڑکھڑاتی پھر رہی ہے
اور اندھیروں میںمسلسل
ڈھونڈتی ہے یہ راستہ

یہ کہانی ہے زمیں کی
ہے یہی قصّہ ہمارا
اب نئی منزل ہماری
اب نیا رستہ ہمارا