نعت
کمار پاشی
کمار پاشی
سہل ہے راستہ محمّد ﷺ کا
جل رہا ہے دیا محمّدﷺ کا
بے یقینی کے اِن اندھیروں میں
سب کو ہے آسر ا محمّدﷺ کا
جل اُٹھے پھر چراغ منزل کے
بادباں کھل گیا محمّدﷺ کا
شب کی تاریک راہ میں اب بھی
نور ہے جا بجا محمّدﷺ کا
پرچمِ سبز کھل گئے ہر سُو
چل پڑا قافلہ محمّدﷺ کا
ہے ہواؤں کے ہاتھ پر دیکھو
نام لکھا ہوا محمّدﷺ کا
کفر کی رات ڈھل گئی پاشی
دیکھ پھر د ن ہوا محمّدﷺ کا
3 comments:
بہت اچھی نعت ہے، جزاک اللہ
Thanks for the comment.
Thanks for the comment.
Post a Comment